Xogos e retos en LSE

A intérprete de lingua de signos española (LSE), Alba, fíxonos chegar este vídeo para repasar o que moitos e moitas de vós xa practicáchedes en clase. 

Dende aquí, propoñémosvos varios xogos e retos cos que poderedes practicar o vocabulario e frases do vídeo. Animádevos!

En primeiro lugar, para repasar o vocabulario do colexio en LSE, propoñémosvos un xogo de MEMORY.

 (podedes imprimir estas TARXETAS ou debuxalas).

Outra proposta é a representación destas viñetas a modo de teatro en LSE. Atrevédesvos? Se queredes, podedes gravarvos e deixar o vídeo nunha mensaxe privada ou comentario. 

No seguinte vídeo invítanos a repasar o abecedario, os saúdos e as presentacións, os días da semana e as cores.

Aquí vos deixamos alfabeto dactilolóxico para poder repasar.

Con este vídeo propoñémosvos ademais dous retos(se queredes, podedes mandar as vosas respostas en vídeo):

RETO A: saberíades signar en LSE o nome doutras cidades e vilas galegas?

RETO B: animádevos a signar esta canción ou esta.

Por último, un xogo que podedes facer en familia é o VEO-VEO pero en LSE. Por exemplo, unha persoa indica un color en LSE e os demais teñen que buscar pola casa o maior número de obxectos desa cor. Outra opción pode ser comprobar quen é a persoa máis rápida en tocar un obxecto desa cor.

Esperemos que disfrutedes e lle ensinedes ás vosas familias o moito que sabedes en LSE!